قصيدة وارجوا ان تنال اعجابكم ..ها للعلم مو انة الكاتب القصيدة بس حبيت المشاركة

كل حلو ينباس بس انتة الوحيد
دخنة بيك وعدنة صارت هوسة
خدك يكهرب واليبوسك يطيح
كمنة من بعيد ناخذ بوسة
بخدمتك عمي شنهي تريد بس كول
اجيب الي تريدة صلالة بالايد
واذا متريد كلشي كول هم صار
بخدمتك هم اجيب الكل شي متريد
مسح تحديد للكل انة سويت
واسمك هم بقة اتعداه التحديد
عدة صوتك نشاز باذني اي صوت
وحتة الصرخة منك جنهه تغريد
نعم ..غيرك اكو حلوين وهواي
لجن بس انتة اصلي وهمة تقليد
ما اشتهي بيوم احجي وية غيرك
ولا تشتهي عيوني لغيرك تشوف
تدري شكد لهفتي عليك يفلان؟؟؟؟؟
بكد ضيم العراق عليك ملهوف
تسحك عالكلب صدكني ما ضوج
بس انة علمودك عايش بخوف
لان كلبي درب وجروحي عثرات
واخاف تطيح من تسحك بلا شوف
شاكلك انة احبك والله غلطان
لان حتة الاحبك ناقصة حروف
وصل حبي الك حد ماهو معقول
بحيث وياي انتة وانة مشتاك
تشابكني وتشاقيني واشاقيك
واصيح الله واكبر بسك فراك
ملك امشي عله طولي وانتة وياي
ومن تبعد ادنك واخذ الراك
وبس انتة عليك تشخص الناس
من كد ماحلو منبعيد تنضاك
وصاير بوك بالحب هاي الايام
لذلك ما اعوفك خاف تنباك
واذا لا سامح الله بيوم باكوك
وداعا يا ضحك مرحبا يبجاي
كبل لا شوفك انة تولعت بيك
وكبل لا نلتقي سميتك هواي
مافك باب بيتي شما يدكون
وافكلك باب بيتي وانتة ما جاي
واجيت وعركة صارت بين العيون
عليك عيوني هاي تصد كبل هاي
اذا خثيتني يصير الصبح ليل
واذا تضحكلي يشرك ليل دنياي
من تروح اصومن مثل رمضان
ومن ترجع ااذن واشرب الماي